بهار (به زبان بلوچی)

مدّتے بیت که منی ڈێهئے مردم گرند و گرۆک و بیرئے آماچ اَنت... اگن زمستان مئیئیت، گرند مجنت، بیر شهمگا مبیت، برپ رچگا مبیت، هئور مگواریت، ترۆنگل اێر مئیئیت و سارت مبیت گڑا زند بکشێن بهار پدّرَ نبیت، جانبکشێن کئوشَ نکشّیت، مۆسم وشَّ نبیت، گل و سمبلَ نردیت، درچکا بورَّ نبیت، بر و بروردَ نکنت، شاهڑ و تاکَ نرۆدێنیت، اے ترندی و برپ و توپّان گل و سمبل و بورّ و پلّ و بر و بروردئے بندات اَنت. او منی ڈێهئے مردم ملور مبئے. پاد آ که گُڈّی منزل ڈئولدار و بۆد آرۆکێن بهارے.